Festival reggae á beira do Miño
Dous días de festival, acampada libre, actividades deportivas e culturais, para todas as idades, e por suposto, moito reggae. Isto é o que se poderá desfrutar os próximos 6 e 7 de setembro no Espazo de Fortaleza, en Goián Tomiño.
Por GC Tendencias | Tomiño | 16/07/2013 | Actualizada ás 15:10
As bandas que encabezan o cartel son nomes moi coñecidos no mundo da música jamaicana. Entre eles, os británicos Alpheus, os madrileños Tasty Grooves, os franceses Alygator del Sutta ou os noregueses Chakras.
O coruñés Dandy Fever e os vigueses Chek Selectah and Gebeat son polo de agora a presenza galega nun cartel aínda por completar.
A organización da Asociación Cultural Minho Reague promete ademais que haberá outras actividades, como workshops, mercadillo e deportes de natureza. Minho Reggae é un colectivo socio cultural que apoia e fomenta a música, a arte e un estilo de vida consciente e respetuoso co entorno a través de actividades.
Esta é a terceira edición do festival. Velaquí un resumo do evento en 2012:
