Volve subir a presión nas UCI que suman xa 251 pacientes covid
A taxa de positividade descende a un 8% e os contaxios diarios redúcense, pero seguen por riba do milleiro con 1.025.
Por Europa Press / Redacción | SANTIAGO DE COMPOSTELA | 05/02/2021 | Actualizada ás 11:00
Os hospitalizados con Covid-19 en Galicia seguen en descenso, con 28 menos, a pesar de subir en catro os que permanecen en UCI ata os 251. Ademais, os casos activos continúan reducíndose e sitúanse en 21.686, o que supón 713 menos. Así se desprende dos datos publicados este venres pola Consellería de Sanidade con rexistros ata as 18,00 horas deste xoves, recollidos por Europa Press, nos que se constata que aínda que os pacientes con coronavirus ingresados en UCI soben de 247 a 251, os hospitalizados noutras unidades baixan de 1.070 a 1.038, o que supón 32 menos.
As áreas de Vigo, A Coruña e Ferrol rexistran un maior alivio da presión asistencial. No caso da primeira aínda que soben nun a 26 os pacientes con Covid en UCI, descenden en 17, a 136, os que se atopan noutras unidades.
Mentres, na da Coruña e Cee baixan a 85 os pacientes con Covid en UCI --dúas menos-- e a 276 os que se atopan noutras unidades --seis menos--; e na de Ferrol os que están en críticos mantéñense en 25 --sen cambios-- e caen en oito os hospitalizados noutras unidades ata os 165.
En canto á área de Pontevedra e O Salnés os pacientes con Covid en UCI mantéñense en 27 e os doutras unidades baixan a 112 --un menos--; mentres que na de Lugo os ingresados en críticos soben a 27 --un máis-- e os doutras unidades descenden a 64 --un menos--.
Por contra, aumentan en tres os pacientes en UCI no distrito sanitario de Ourense ata os 18, pero baixan a 154 os que permanecen noutras unidades --dúas menos--; mentres que no de Santiago e Barbanza soben a 43 --un máis-- e 131 --tres máis--, respectivamente.
CASOS ACTIVOS E CURADOS
Tamén os casos activos seguen a tendencia descendente e sitúanse este venres en 21.686 en Galicia, o que supón 713 menos. Esta xornada reducíronse en todas as áreas sanitarias galegas: a da Coruña e Cee conta con 5.713; a de Vigo, con 3.647; a de Santiago e Barbanza, con 3.339; a de Ourense, con 2.578; a de Pontevedra e O Salnés, con 2.576; a de Lugo, con 2.023 e a de Ferrol, con 1.810.
Ata a data curáronse en Galicia 78.843 persoas que se infectaron con Covid-19, o que supón 1.708 máis que as rexistradas a xornada anterior.
CONTAXIOS E POSITIVIDADE
Os contaxios diarios --detectados con diferentes tipos de probas-- descenden en máis dun centenar ata os 1.025, deles 874 confirmados por PCR nas últimas 24 horas --fronte aos 1.091 da xornada anterior--. Ata a data en Galicia leváronse a cabo 1.472.623 PCR, 11.672 máis con respecto á xornada anterior.
Deste xeito, os contaxiados aumentan a 102.424, dos que 23.600 corresponden á área da Coruña e Cee; 19.498, á de Vigo; 16.735 á de Santiago e Barbanza; 13.767, á de Ourense; 11.023 á de Pontevedra e O Salnés; 10.681 á de Lugo; e 7.120 á de Ferrol.
En canto á taxa de positividade --porcentaxe de infeccións por PCR realizadas-- descendeu a un 8 por cento, tras subir a un 9% a xornada anterior, polo que continúa por encima do 5% que marca a Organización Mundial da Saúde (OMS) para dar por controlada a pandemia e do que Galicia non baixa desde o 24 de decembro.
