As residencias seguen sumando mortos pola covid-19
Cinco dos últimos 28 mortos en Galicia eran usuarios destes centros, nos que morreron.
Por E.P. | Santiago de Compostela | 10/02/2021 | Actualizada ás 15:26
Cinco das 28 persoas cuxa morte notificaron as autoridades sanitarias na pasada xornada, cando Galicia superou as 2.000 mortes pola pandemia, eran usuarias de residencias. No detalle dos datos que facilitou este mércores a Consellería de Sanidade, rexístrase o falecemento o pasado 22 de xaneiro dun home de 71 anos na residencia Paz y Bien de Tui. No día 7 de febreiro ratifícase, así mesmo, a morte dun home de 71 anos en Verea.
Á listaxe de falecementos do día 8 de persoas con covid-19, súmanse 15 mortes, entre elas as de dúas mulleres de 66 e 46 anos, respectivamente, que procedían da residencia de gravemente afectados Pai Menni de Betanzos. A muller de 46 anos faleceu no propio centro, mentres que a de 66 fíxoo no Complexo Hospitalario Universitario da Coruña (Chuac).
No Chuac faleceron nesa xornada, ademais, outras dúas persoas: unha muller de 86 anos e un ancián de 83. E no Complexo Hospitalario Universitario de Ferrol (CHUF), Sanidade confirma cinco falecementos: tres homes de 84, 92 e 90 anos; e dúas mulleres, de 69 e 85 anos, respectivamente.
En Povisa, o día 8 faleceu unha muller de 80 anos e unha anciá de 90 perdeu a vida no Hospital Comarcal de Monforte; mentres que tamén faleceron o Complexo Hospitalario Universitario de Vigo (Chuvi) dúas persoas: unha muller de 96 anos e un home de 70. No Complexo Hospitalario Universitario de Ourense (CHUO) rexistrouse a morte dunha muller de 84 anos, e no Complexo Hospitalario de Pontevedra (CHOP), o falecemento dunha muller de 82.
11 FALECEMENTOS ESTE MARTES
Ao rexistro de falecementos do día 9, as autoridades sanitarias incorporan un total de 12, entre eles os dun home de 75 anos e unha muller da mesma idade no Chuac. No CHUO producíronse tres mortes: un home de 81 anos, unha muller de 94 e un home de 77.
No CHUS producíronse dous falecementos: o dunha muller de 89 anos, que procedía da residencia San José de Arzúa, e outra anciá de 90 anos. Á súa vez, no CHUF, a covid-19 deixou nesta xornada tres vítimas mortais: unha muller de 95 anos, un home de 94 e outra anciá de 78 que procedía da residencia de DomusVi Laraxe (Cabanas).
Completa a listaxe de vítimas ratificado por Sanidade o falecemento dunha muller de 88 anos que faleceu no Hospital do Salnés este martes 9. Todos os falecidos notificados tiñan patoloxías previas.
