Feijóo sobre a dimisión de Louzán: "iso é cousa da Federación Galega de Fútbol"

Debe Rafael Louzán dimitir como presidente da Federación Galega de Fútbol tras ser condenado por prevaricación mentres era presidente da Deputación de Pontevedra?. Feijóo teno claro. Non é unha cousa que vaia con el a pesar de insistir sempre nas actitudes éticas dos políticos.

Precisamente, preguntado sobre se Louzán debería dimitir, o presidente galego asegurou que lle corresponde á federación "tomar as decisións que considere oportunas".

"É un órgano que elixe os seus membros, á súa xunta directiva e ao seu presidente, e por tanto correspóndelle a este órgano tomar a decisión que considere oportuno", afirmou Feijóo, que incidiu en que "non pode ser outro órgano, que o propio órgano soberano que elixe o presidente e aos membros da xunta directiva".