Unha praga de medusas tóxicas obriga a pechar as praias da Coruña

O Concello da Coruña decretou o peche de todos os areais do municipio ante a aparición masiva de carabelas portuguesas, un tipo de medusa moi tóxica. Trátase do segundo episodio deste tipo no último mes e medio. A principios de xaneiro, os municipios da área coruñesa e tamén de Ferrol víronse obrigados a pechar o acceso ás súas praias pola chegada á costa deste tipo de medusas. Deste xeito, o goberno herculino prohibe o paseo polos areais e advirte á poboación da alta toxicidade desta especie tanto para humanos como para as súas mascotas.

Efectivos de Protección Civil retiran carabelas portuguesas nas praias de Ferrol