Por E.P. | Santiago de Compostela | 05/03/2021 | Actualizada ás 17:31
A área de Patrimonio da Deputación da Coruña, que dirixe o deputado Xosé Luís Penas, iniciou as actuacións nas Torres de Altamira, no concello de Brión, "co fin de iniciar o proxecto de recuperación do monumento histórico para convertelo en referencia cultural da comarca", informa.
O deputado Xosé Luís Penas, xunto co arquitecto Mario Crecente e o arqueólogo Luís Francisco López, supervisaron nas Torres de Altamira os primeiros traballos que se desenvolven seguindo as actuacións incluídas no plan director do monumento e que suporán a recuperación e posta en valor do espazo histórico.
"Queremos que, despois de acabar a actuación prevista, as Torres de Altamira sexan unha referencia cultural na comarca", explicou o deputado Xosé Luís Penas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.