Feijóo apela á "sensibilidade" do Goberno portugués para facilitar a mobilidade transfronteiriza
Por E.P. | Santiago de Compostela | 11/03/2021 | Actualizada ás 20:00
O presidente da Xunta, Alberto Núñez Feijóo, asegurou que corresponde ao Goberno portugués decidir sobre a reapertura da fronteira, pero apelou á súa "sensibilidade" para que se valoren vías que poidan facilitar as entradas e saídas de traballadores transfronteirizos.
Neste punto, sinalou que o que pediría é que, se a fronteira segue pechada, "se valore a posibilidade de apertura en prvincias cun punto de acceso ou dous como moito".
"Pero imos ser moi respectuosos. O Goberno portugués é moi serio e ten toda a soberanía para decidir sobre a súa fronteira. Si pido sensibilidade para facilitar as entradas e saídas de traballadores transfronteirizos e do tráfico de mercadorías", resolveu.
