Seis positivos en covid-19 nos cribados dos aeroportos galegos
Por Europa Press / Redacción | Santiago de Compostela | 07/04/2021 | Actualizada ás 17:09
Os cribados no tres aeroportos galegos, que se xeralizaron a semana pasada co inicio do período vacacional de Semana Santa, arroxaron seis test positivos.
Concretamente, no aeroporto coruñés de Alvedro realizáronse 1.169 probas voluntarias a viaxeiros, con resultado de catro positivos.
No aeroporto de Lavacolla-Rosalía de Castro, en Santiago de Compostela, leváronse a cabo co test de antíxenos dispostos para iso un total de 238 probas, entre as que se localizou unha persoa con positivo.
Finalmente, no aeroporto de Peinador, en Vigo, levaron a cabo 174 probas e houbo un resultado positivo.
Estes datos foron facilitados este mércores polo conselleiro de Sanidade, Julio García Comesaña.
