A Xunta busca loitar contra o feísmo con axudas dun millón de euros para máis de 300 actuacións
Por Europa Press / Redacción | Santiago de Compostela | 13/04/2021 | Actualizada ás 16:13
O Diario Oficial de Galicia (DOG) publicou este martes a orde de axudas dun millón de euros, con subvención máxima de 3.000 euros por particular, para que se poidan realizar máis de 300 actuacións contra o feísmo.
Así o destacou a conselleira de Medio Ambiente, Territorio e Vivenda, Ángeles Vázquez, nunha visita a unha vivenda do concello coruñés de Trazo.
Ademais, convida os concellos a divulgar a apertura desta convocatoria entre os veciños, así como a axudalos na tramitación de permisos municipais necesarios para a execución da obra.
Entres as actuacións subvencionables atópanse acabar fachadas, peches e medianeiras, ademais da substitución de peches de formigón por solucións vexetais ou mampostería tradicional.
