Aulas da Universidade da Coruña libres de CO2

Un equipo de investigación da UDC traballa nun proxecto para medir o dióxido de carbono nos seus espazos.

Por Europa Press / Redacción | A Coruña | 15/04/2021 | Actualizada ás 17:33

Comparte esta noticia

Un equipo de investigación da Universidade da Coruña (UDC) traballa desde o pasado mes de novembro nun proxecto para medir o dióxido de carbono (CO2) nos seus espazos, coa localización de medidores nas súas instalacións para monitorar o nivel de concentración en diferentes dependencias universitarias para garantir espazos seguros.

A Universidade da Coruña
A Universidade da Coruña | Fonte: UDC.

Segundo informa o reitorado, o proxecto, coordinado polo adxunto do reitor para Tecnoloxías da Información e as Comunicacións, Carlos Escudero, catedrático da área de Teoría do Sinal e Comunicacións do departamento de Enxeñaría de Computadores, conta coa colaboración do Servizo de Informática e Comunicacións.

Tamén o Servizo de Prevención de Riscos Laborais e o Centro de Investigación en Tecnoloxías da Información e a Comunicación (CITIC) a través dun proxecto COVID de GAIN (CEDCOVID, Ciencia e Enxeñaría de datos para a avaliación, predición poboacional e personalizada da evolución da enfermidade COVID-19).

A UDC é a primeira universidade de Galicia, e das primeiras de España, en instalar medidores nos seus espazos, dentro dun proxecto de investigación de Intelixencia Artificial (IA).

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta