Por E.P. | SANTIAGO DE COMPOSTELA | 20/04/2021 | Actualizada ás 20:30
O Consello de Ministros acordou estimar unha reclamación de Galicia, así como doutras comunidades, en relación con correccións financeiras sobre axudas referidas a pastos permanentes.
Segundo trasladan fontes da Consellería de Medio Rural a Europa Press, este acordo suporá devolver a Galicia ao redor de 1,4 millóns de euros.
No seu momento, resolveuse o procedemento de repercusión financeira, ante o cal a Xunta abonou o que demandaba o Goberno, aínda que despois recorreu esa decisión. Tras iso, estimouse na súa totalidade o recurso de Galicia e agora o Estado deberá devolver á comunidade galega 1,4 millóns.
De tal forma, o Goberno galego apunta que estas correccións financeiras son "positivas e beneficiosas" para Galicia, de modo que suporán importes que se integran nas arcas públicas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.