A ex deputada de Podemos Luca Chao, entre as gañadoras do IV Concurso Microrrelatos da RAG e PuntoGal
As outras finalistas son Paloma del Toro, de Ourense e María Cabaleiro, de Tui.
Por Europa Press / Redacción | A CORUÑA | 30/04/2021 | Actualizada ás 13:23
Unha historia de 128 palabras escrita por Paloma de Toro González (Ourense, 1985) é a gañadora do primeiro premio na categoría de adultos do IV Concurso de Microrrelatos da Real Academia Galega (RAG) e Punto Gal entre os case 800 textos de ata 200 palabras presentados.
Segundo informan, o segundo premio recaeu nun conto de Luca Chao Pérez (Lugo, 1988) e o terceiro nun relato de María Cabaleiro Alfaya (Tui, 1993).
O xurado de adultos, composto polo presidente da RAG, Víctor F. Freixanes; o presidente e o director xeral de PuntoGal, Manuel González González e Darío Janeiro; a académica Chus Pato e a xornalista Alba Tomé, decidiu conceder o primeiro galardón á historia titulada 'Non te gastes".
A autora é a ourensá Paloma de Toro, profesora de inglés de profesión. Luca Chao Pérez, ex parlamentaria de Podemos, investigadora en ciencias sociais e profesora en prácticas de Historia, fíxose co segundo premio con 'Aves de paso', un relato de 113 palabras e María Cabaleiro Alfaya, bióloga residente en Salceda de Caselas e investigadora predoutoral no campo de micoloxía, gañou o terceiro premio cunha historia de 198 palabras titulada 'Sara'.
