Descenden os contaxios de covid tras facer 2.000 PCRs menos
Os pacientes Covid hospitalizados mantéñense en 214 e a taxa de positividade segue por baixo do 2%.
Por Europa Press / Redacción | SANTIAGO DE COMPOSTELA | 03/05/2021 | Actualizada ás 11:15
Galicia arrinca a última semana con estado de alarma en vigor debido á pandemia pola Covid-19 cun descenso dos novos contaxios a 103 e de casos activos ata os 3.030, mentres que os pacientes hospitalizados mantéñense en 214. Con todo, realizáronse 2.000 PCR menos que o día anterior.
Segundo os datos actualizados na mañá deste luns pola Consellería de Sanidade con rexistros ata as 18,00 horas deste domingo, baixan a 50 os pacientes Covid ingresados en UCI --un menos-- e soben a 164 os que permanecen noutras unidades --un máis--, polo que seguen un total de 214 hospitalizados.
Por áreas sanitarias, a presión hospitalaria alíviase nas da Coruña e Cee, Vigo, Ourense e Lugo; mentres que aumenta nas de Ferrol, Santiago e Barbanza e Pontevedra e O Salnés.
En concreto, na da Coruña e Cee aínda que se incrementan a 13 os pacientes Covid en UCI --un máis--, descenden a 51 os que permanecen ingresados noutras unidades --cinco menos--; e na de Ourense descenden a nove os críticos --tres menos-- e soben a 18 os doutras unidades --dúas máis--.
Pola súa banda, na de Vigo seguen 12 en UCI e caen a 28 os doutras unidades --un menos--; e na de Lugo mantéñense catro en críticos e descenden a 12 os pacientes Covid doutras unidades --un menos--.
En canto á área de Santiago e Barbanza ascenden a cinco os pacientes Covid en UCI --un máis-- e a 22 os doutras unidades --dous máis--; na de Pontevedra e O Salnés continúan cinco en críticos e aumentan a 24 os doutras unidades --tres máis--; e na de Ferrol seguen dous en UCI e soben a nove os doutras unidades --un máis--.
MENOS CASOS ACTIVOS
En canto aos casos activos, tras o lixeiro incremento deste domingo, volveron a descender e sitúanse en 3.030, o que supón 76 menos, ao rexistrar máis altas (179) que contaxios (103) e non haber falecidos.
As infeccións activas redúcense en seis das sete áreas sanitaras: Vigo (-39); A Coruña e Cee (-15); Lugo (-14), Ferrol (-4), Ourense (-3) e Santiago e Barbanza (-1), mentres que na de Pontevedra e O Salnés mantéñense sen cambios.
Deste xeito, a de Vigo continúa á cabeza con 906 casos activos; seguida da Coruña e Cee, con 695; Pontevedra e O Salnés, con 491; Santiago e Barbanza, 363; Ourense, con 266; Lugo, con 214; e na cola mantense Ferrol, con 95.
MENOS CONTAXIOS
Esta última semana co estado de alarma en vigor arrinca en Galicia cun descenso nos novos contagios ata os 103, tras manterse varios días a semana pasada por encima dos 200, e rexistrar 174 a xornada anterior.
Galicia confirmou, en concreto, 86 positivos por PCR nas últimas 24 horas, fronte aos 146 do día anterior. Do total, 27 corresponden á área da Coruña e Cee; 20 á de Vigo; outros 20, á de Pontevedra e O Salnés; 10, á de Santiago e Barbanza; cinco, á de Ourense; tres, á de Lugo; e un á de Ferrol.
MENOS CONTAXIOS
Desde o inicio da pandemia Galicia levou a cabo 2.072.214 PCR, o que supón 6.418 probas máis que as contabilizadas ata o día anterior --unhas 2.000 menos que as feitas o día pasado--.
En canto á taxa de positividade --porcentaxe de infeccións por test PCR realizados-- segue por baixo do dous por cento cun 1,6%, tras situarse nun 1,8% o día anterior. Deste xeito, continúa sen superar o 5% que a Organización Mundial da Saúde (OMS) fixa para dar por controlada a pandemia.
