Por Galicia Confidencial | Santiago de Compostela | 08/05/2021 | Actualizada ás 10:00
O 80% dos galegos considera que é importante ten un fogar sostible pero o descoñecemento dos produtos e o seu custe fai que só o 4% teñen instalados todos os elementos que fan que unha vivenda cumpra cos requisitos de sostibilidade.
Segundo un estudo elaborado pola aseguradora Mutua de Propietarios e Leroy Merlin, o 67% dos fogares galegos teñen instalados catro ou cinco elementos sostibles e un 29% tres ou menos. "Aínda que a nosa conciencia en materia de sostibilidade é cada vez maior, existe certa discordancia entre o que pensamos e o que facemos, quedando claro que aínda queda moito por facer", sinala Christopher Bunzl, director xeral de Mutua de Propietarios.
Segundo o informe, o 76% dos fogares galegos contan con lámpadas LED e un 69% con electrodomésticos A++. Pola outra banda, os que teñen menos presenza son os aireadores de grifos (29%) e os paneis solares (8%), porén estes multiplican a súa presenza nas vivendas construídas a partir do 2011.
FANSE REFORMAS PERO NON SOSTIBLES
O informe desvela que catro de cada dez fogares galegos consultados realizaron algunha reforma nos últimos 5 anos. Porén, so un 27% asegura que o fixeron para conseguir un fogar máis eficiente enerxeticamente. "Cada vez pasamos máis tempo na casa e é unha responsabilidade crear un fogar sostible para preservar o medio ambiente", advirte Bunzl.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.