Feijóo cre que os resultados das eleccións en Madrid son extrapolables ao resto do Estado

O presidente da Xunta reafírmase na súa "lectura nacional" do triunfo de Ayuso.

Por Europa Press / Redacción | Santiago de Compostela | 07/05/2021 | Actualizada ás 17:26

Comparte esta noticia

O presidente da Xunta, Alberto Núñez Feijóo, reafirmouse na súa "lectura nacional" do triunfo en Madrid da súa compañeira de filas Isabel Díaz Ayuso, convencido de que ratifica a "desafección" coas políticas do Goberno central. Ao tempo, recoñeceu que a "importancia" de Ayuso no seu partido é "moi relevante".

O titular do Goberno galego, Alberto Núñez Feijóo, no Consello da Xunta
O titular do Goberno galego, Alberto Núñez Feijóo, no Consello da Xunta | Fonte: David Cabezón - Xunta de Galicia.

"Esa é a lectura lóxica", dixo, á vez que rexeitou facer calquera outra "lectura de parte", dixo Feijóo, quen subliñou o "rotundo éxito electoral" de Ayuso, "moi por enriba das previsións máis optimistas". Un éxito, engadiu, "rotundo, incuestionable e inapelable" que dá pé a outra "serie de reflexións" que centrou na política estatal.

Entre elas, apuntou á saída de Pablo Iglesias, "o líder carismático" de Podemos, engadiu; á relevancia adquirida por Más Madrid dentro do bloque de esquerdas ou á perda de apoios de Ciudadanos que lle relegou a quedar fóra da Cámara madrileña.

"Por aí vai a lectura do rotundo éxito de Ayuso e dos compañeiros do PP de Madrid. É unha clara mensaxe de desafección da comunidade madrileña cara ás políticas do Goberno de España, do presidente (Pedro Sánchez) e de Podemos", remarcou, antes de subliñar a importancia de Madrid no contexto da política estatal.

"Ata aí a lectura lóxica e obxectiva", remarcou o líder do PP galego, subliñando ao tempo a "importancia moi relevante" de Ayuso no PP, sen penetrarse noutras cuestións polas que fora preguntado que identificou con "lecturas de parte".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta