Por E.P. | Santiago de Compostela | 14/05/2021 | Actualizada ás 14:06
O director do Foro Económico de Galicia e catedrático de Economía Aplicada da Universidade de Vigo, Santiago Lago, considerou urxente contar cun plan fiscal a medio prazo que se anticipe á volta á normalidade.
"Hai que ter unhas contas saneadas e controlado o déficit para ter un colchón para afrontar os problemas", expuxo durante a presentación do seu libro 'La estabilidad fiscal en España: los deberes pendientes', un acto que contou coa presenza da vicepresidenta terceira e ministra de Traballo e Economía Social, Yolanda Díaz.
A ministra defendeu, na súa exposición, que a responsabilidade fiscal é "compatible" co desenvolvemento do Estado de Benestar. Tamén avogou por unha reforma do sistema fiscal español, adaptándoo a retos como o cambio climático ou a dixitalización.
Antes, Santiago Lago, elixido o Goberno para formar parte do comité de expertos que abordará a reforma fiscal en España, admitiu que non é o momento de "axustar" o déficit polo contexto de pandemia, pero apelou a un "acordo" de país para abordar os retos a este respecto.
Así, insistiu na importancia de contar cunhas contas estruturalmente saneadas para contar coa marxe necesaria cando a situación o demanda. Tamén defendeu a necesidade de que haxa un amplo consenso social.
Tras a súa intervención, a ministra de Traballo resumiu os obxectivos do Goberno de, entre outras cuestións, abordar os "desequilibrios" no mercado de traballo. Neste sentido, apelou ao "diálogo social".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.