Dou novos convenios asinados por IESIDE favorecerán o intercambio académico de programas, estudantes e docentes
Trátase de dous acordos de colaboración académica e de investigación coa New York State University, no seu campus principal de Albany, e o Instituto de Estudos Superiores de Administración (IESA).
Por E.P. | SANTIAGO DE COMPOSTELA | 19/05/2021 | Actualizada ás 18:07
O Instituto de Educación Superior Intercontinental da Empresa (Ieside) subscribiu dous novos convenios de colaboración que permitirán favorecer a internacionalización e o intercambio académico de programas estudantes e docentes.
En concreto, trátase de dous acordos de colaboración académica e de investigación coa New York State University, no seu campus principal de Albany, e o Instituto de Estudos Superiores de Administración (IESA).
Ambos permitirán aumentar o intercambio académico de programas, estudantes e profesores, "afianzando a rede internacional" do Ieside "que se estende a múltiples universidades públicas e privadas", engaden nun comunicado. .
"Con estes acordos ratificamos o firme compromiso establecido no propio nome de 'Intercontinental', de levar aos dous campus de Vigo e A Coruña, a internacionalización de linguas, procesos e desenvolvemento académico, permitindo non só o intercambio de estudantes senón a presenza de profesores e investigadores de Europa, América e Asia", sinalou Miguel Anxo Escotet, presidente de Ieside e Afundación.
