A Deputación da Coruña inicia as obras para mellorar a seguridade peonil en Arteixo

A Deputación da Coruña e o Concello de Arteixo colaboran en proxectos para a mellora da seguridade viaria e peonil en diversos núcleos do municipio, cuestión que destacaron o presidente provincial, Valentín González Formoso, e o rexedor, Carlos Calvelo, na visita do primeiro ao municipio.

Ambos destacaron a cooperación entre administracións con actuacións no municipio xa que os fondos de Vías e Obras, do Plan Único e do convenio para o polígono de Sabón destinan máis de 3,2 millóns de euros para a construción de nove senllas e beirarrúas.

Tras ser recibido no consistorio polo alcalde e os portavoces dos grupos políticos representados na corporación municipal, González Formoso, Calvelo e o deputado provincial José Ramón Rioboo visitaron, entre outras, as obras da senda peonil que se está executando na marxe da estrada provincial DP 0507, en Armentón.

Estes días, a Deputación está a acabar tamén os traballos de pavimentando da estrada que conecta Arteixo coa Laracha, cun investimento complementario de de 202.000 euros.

O presidente da Deputación da Coruña, Valentín González Formoso, e o alcalde de Arteixo, Carlos Calvelo, visitan distintas obras no municipio. TORRECILLA | Fonte: Europa Press