Baltar traslada ao presidente do Club Ourense Baloncesto o "compromiso inquebrantable" da Deputación
Por E.P. | OURENSE | 24/05/2021 | Actualizada ás 20:20
O presidente da Deputación de Ourense, Manuel Baltar, reuniuse este luns co seu homólogo no Club Ourense Baloncesto (COB), Camilo Álvarez, ao que trasladou o "compromiso inquebrantable" do goberno provincial co equipo.
Nun encontro no Pazo Provincial, ambos analizaron a situación actual do club tras a tempada que acaba de finalizar, así como as expectativas que hai tras o seu descenso á liga Prata. Neste contexto, Baltar expresou a Camilo Álvarez o apoio da Deputación: "Non só na nosa condición de accionistas, senón tamén polo seu labor como embaixadores deportivos de Ourense por toda España".
Ademais, engadiu que o goberno provincial "seguirá dando o seu apoio ao club para que o primeiro equipo desenvolver a súa actividade", á vez que destacou "o traballo de canteira que se está facendo coas escolas de baloncesto", un proxecto deportivo "que ten que ser o espello onde se miren as xogadoras e os xogadores máis novos da provincia".
