HM Rosaleda, por primeira entre os 50 mellores hospitais de España
Na listaxe, elaborada polo Monitor de Reputación Sanitaria, figuran seis hospitais públicos galegos.
Por Europa Press / Redacción | SANTIAGO DE COMPOSTELA | 26/05/2021 | Actualizada ás 17:11
O hospital HM Rosaleda de Santiago de Compostela entra por primeira vez na listaxe dos 50 hospitais españois con mellor reputación no ámbito nacional, no coñecido Monitor de Reputación Sanitaria (MRS).
De feito, este mércores foi presentada a 7ª edición do Monitor de Reputación Sanitaria, elaborado por Merco, na que o hospital HM Rosaleda de Santiago sitúase no posto 37 entre os centros privados.
O outro hospital privado de Galicia nesta clasificación é Povisa, que ocupa o posto 42. Ambos son os únicos centros privados da Comunidade galega que figuran no MRS de 2020, no que tamén aparecen seis hospitais públicos galegos.
Ademais do Hospital HM Rosaleda, entre os 50 mellores centros privados do Monitor de Reputación Sanitaria aparecen outro cinco de HM Hospitais, destacou o grupo hospitalario.
O mellor valorado é o Hospital Universitario HM Sanchinarro que se sitúa no 'top 3', xunto co Hospital Universitario HM Montepríncipe, que se sitúa na sétima posición.
Completan a lista o Hospital Universitario HM Madrid (22), o Hospital Universitario HM Torrelodones (29) e o Hospital Universitario HM Porta do Sur, no posto 34 do ranking.
O director territorial do Grupo na Comunidade galega, Rafael Silva, resalta a puntuación obtida polo hospital compostelán (3.578 puntos), que supón "a segunda mellor de todos os hospitais galegos que aparecen no ranking, públicos e privados", matiza, só superada polo Complexo Hospitalario Universitario A Coruña, que obtivo 4.473.
