Morre un home de 79 anos e elévase a cifra de falecidos coa covid-19 en Galicia a 2.427

A Consellería de Sanidade informou este luns da morte dun home de 79 anos que permanecía ingresado no Complexo Hospitalario Universitario de Santiago (CHUS) e que fora diagnosticado coa covid-19.

Segundo detallou o departamento autonómico, o falecemento tivo lugar o pasado día 4 de xuño e o home presentaba patoloxías previas.

Despois de que nas xornadas do sábado e do domingo Sanidade non comunicase ningún novo falecido, a morte deste home eleva a 2.427 as vítimas mortais en Galicia coa covid-19.

Clínico, Chus. EUROPA PRESS - Arquivo