Por E.P. | SANTIAGO DE COMPOSTELA | 10/06/2021 | Actualizada ás 18:40
Galicia disporá de 53,7 millóns de euros procedentes do programa de axudas para o investimento en autoconsumo do Goberno central, que se enmarca no plan de recuperación post covid que recibe fondos europeos Next Generation.
Segundo destaca Unión Fotovoltaica Española (UNEF), esta partida orzamentaria, que permitirá a instalación de 187 megawatios novos de autoconsumo na comunidade, supón "unha gran oportunidade" para apostar a sustentabilidade na produción de enerxía e para facer das renovables que usan o sol como fonte un "elemento tractor da recuperación económica".
Así, os 53,7 millóns reservados para a Comunidade galega divídense en distintas accións: 20,7 para subvencionar instalacións de autoconsumo no sector industrial e agropecuario; 9,6 no sector servizo e os 23,4 millóns restantes no segmento residencial e das administracións públicas.
UNEF lembra que Galicia é unha das comunidades nas que foi eliminado o requisito de obter licenza de obras para autoconsumo e estima que as axudas procedentes dos fondos Next Generation "traduciríanse en 187 megawatios novos de autoconsumo" na comunidade.
Por segmentos, a estimación é que, desta potencia, 99 megawatios novos irían parar ao sector industrial e agropecuario, 38 megawatios ao de servizos e 50 megawatios no segmento residencial e as administracións.
En definitivia, UNEF valora o feito de que se previu "o acceso a estas partidas por concorrencia simple", á vez que considera que "a clave do éxito desta repartición" estará en que as subvencións se desenvolvan "de maneira áxil e rápida".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.