A maior trama corrupta da historia de Galicia

A xuíza da Pokemon mantén imputados a máis de 80 políticos (PP, PSOE e BNG), funcionarios e empresarios. A presunta financiación ilegal do PP e do PSOE de Santiago, principal novidade dun auto que pode abrir a porta ao levantamento do sumario.

Por Galicia Confidencial | Lugo | 26/11/2013 | Actualizada ás 12:12

A xuíza que investiga a trama Pokemon comeza a revelar as súas cartas. No auto desvelado onte Pilar de Lara imputa a máis de 80 persoas, entre elas os alcaldes de Santiago, Lugo, O Carballiño e o ex-rexedor de Ourense.

O auto tamén divide a investigación en nove pezas. Isto abre a porta a que se vaia levantando o segredo de sumario por partes. O letrado do ex-alcalde de Ourense Francisco Rodríguez volveu a denunciar a "indefensión" do político por non coñecer os cargos que pesan contra el máis dun ano e medio despois da súa detención.

Ourense

O epicentro da investigación está na peza 2, que investiga ao Grupo Vendex. En Ourense a xuíza ve indicios de que retiraban multas, faseábanse facturas e facíanse agasallos a políticos e funcionarios a cambio de favores. Por iso están imputados o ex-alcalde Francisco Rodríguez (PSOE), a súa compañeira Mercedes Astorga, o ex concelleiro de Tráfico Fernando Varela (BNG) e o ex-xefe da Policía Local Abelardo Ulloa. O ex-alcalde e a súa ex-parella tamén están imputados por blanqueo de capitais.

Compostela

En Santiago de Compostela segue imputado a práctica totalidade do grupo de goberno. A novidade do auto é que a Xustiza ve indicios de financiamento ilegal dos conservadores e socialistas composteláns.

"Mediante a aportación de diñeiro por empresas adxudicatarias de obras e servizos" os conservadores financiarían o seu partido. A xuíza fala de "subornos" tamén a funcionarios para lograr as contratas. Entre as empresas presuntamente vencelladas a corrupción, ademais de Vendex/Sermasa, a maxistrada cita a Talleres La Campiña SL (venta de autobuses) e a GRS Arc Local (xestión de multas).

Na capital de Galicia tamén se investiga a "contratación de enchufagos por empresas concesionarias", suposto que tamén se investiga en Ourense. En Santiago a xuíza describe "irregularidades" sobre a Finca do Espiño e un suposto tráfico de influencias. Pola Pokemon en Santiago -coñecida co nome de "Operación Manga"- segue imputado o ex-alcalde Conde Roa por supostamente cobrar un suborno de Aquagest. Acompáñano como acusados o actual primeiro edil Ángel Currás e os concelleiros Albino Vázquez (xa dimitido), Rebeca Domínguez (sucesora de Currás en Educación, concellería na que se investiga enchufismo), Adrián Varela (concelleiro de Deportes) e o actual xefe de gabinete de Currás, Francisco Castro. Noutro xulgado tamén están imputado os concelleiros do PP , María Pardo, Amelia González, Juan de la Fuente Francisco Noya, Cecilia Sierra, Luis García Bello e María Castelao por aprobaren pagar a defensa de Adrián Varela con cartos públicos. En total, 11 dos 13 edís do PP están imputados en diversas causas pola Xustiza.

A presunta corrupción tamén salpica ao PSdeG compostelán. O ex-número dous do concello Bernardino Rama segue imputado. A xuíza sospeita que a Imprenta La Ibérica elaboraba facturas falsas canda outras compañías, como Aquagest, para facilitar o financiamento das campañas socialistas, o que podería crear os delitos de falsidade documental e delito electoral.

Lugo

En Lugo segue imputado o acalde José López Orozco (PSOE) por sete supostos delitos, entre eles presuntas irregularidades nos contratos a Vendex e a á empresa do guindastre Cechalva. A compañía de Asturias Cechalva é sospeitosa de pagarlle 2.000 euros ao mes ao primeiro edil e ao ex-concelleiro Francisco Fernández Liñares a cambio da contrata de retira de automóbiles. As relacións de Fernández Liñares (PSOE) con Vendex son o núcleo orixinal da investigación. Sobre o ex-responsábel da Confederación Hidrográfica Miño Sil penden até 10 imputacións, incluída blanqueo de capitais.

En dúas pezas diferentes está imputado o alcalde de Carballiño, Argimiro Marnotes, a quen Vendex lle fixo supostamente unha obra no seu chalé sen que o político a abonase. Marnotes deu marcha atrás no concurso da ORA que lle ía adxudicar a Vendex, pero non noutro concurso para o desbroce de camiños que gañou, de xeito presuntamente amañado, Forestación Curro, empresa dos empresarios José Daniel Blanco e Olga González.

En Ordes está imputada a tenente de alcalde Silva Marín (Unión por Ordes) por unha adxudicación a asturiana Cechalva. En Cospeito é o socialista Manuel Pico o imputado por unha contrata con Vendex.

A investigación non cristalizou en imputacións noutros municipios investigados, como Marín e Ortigueira.Con todo, no auto a xuíza advirte que as investigacións prosiguen.

A división en varias pezas do proceso é unha petición da ficalía para axilizalo. Trátase da maior investigación contra a corrupción nunca realizada pola Xustiza en Galicia. Xa demitiron dous alcaldes, o de Boqueixón (PP) e o de Ourense (PSdeG). O enorme número de imputados débese en boa medida á intervención de teléfonos durante moitos meses.

11 6721

Que foi da portavoz da nai de Asunta? Está ou non inculpada?

10 34nf

GC agla terá o tido diante todos os testigos agla terá e sen piedade como terán os da Santa Hirmandade Traizonalista Isabelista e a mai da vosa ialma amamantada nos infernos. Agla amén

9 zyov

Vos esquencedes da cabelaireira de Beiras

8 Difamañol

A máis de españoleiros difamadores na campaña do PP para que non quede ninguen libre de culpa. San Cazurro López Rico vos leve canda ile.

7 Cazapantasmas

Tranquis Torquemadas de medio pelo, os que xa non son do Bloque foron absoltos nunha sentenza anterior sobre o caso dos paneis, e que non hai probas de prevaricación de Vidal no caso Afiador. Só hai probas nas mentes quenturentas dos vende patrias de IU-AGE, os que tiñan que estar caladiños e non tirar de hipocresías, porque están metidos ate a gorxa no maior caso de corrupción da historia do estado, o dos falsos EREs. Oseu deputado Moral Santin xa foi condeado por malversación de fondos e falsificación de documentos mecantis no caso Bankia. Poderia seguir pero levaria moito tempo.

1 Comunista

Por moito que vos amole aos españolistas da UPyG, AGE non ten imputados en ningún caso de corrupción e o BnUpG sí. Aí é onde se ve o españolismo do BnUpG: roubades como españois.

2 Cazapantasmas

E onde ian estar imputados? coma non fora no caso do carriño dos xelados. Se ate que a Pétain lle petou non eran mais que un cativo atallo de dons ninguéns residuais. Haberá que esperar a ver que din das adxudicacións a certa empresa imputada de cando Yolandita Procesións Millonarias era titular da concelleria que llas concedeu a dedo. Sodes do pior, non tedes dignidade nin honradez ninguna, xandasbolas que seguides cegamente en misión diviña ao Mesias mesiánico, cando a misión dos galegos é server os intereses de Galiza. Dou grazas a quén sexa, por non ser coma vós. Por certo...nun recente estudo saeu a luz que en proporción de cargos e casos de corrupción estades ao mesmo nivel do PP. Como bos españoleiros colledes o pior de EX paña, a falacia, a hipocresía e impunidade para sairos coa vosa, igualiño que os PPinochos.

3 Comunista (auténtico)

Ti te chamas comunista botando lixo ao nome, por casualidade, coma podias chamarte Paquito Clavel. Mais ti na loita de clases, estás mais ben na clase turista. A dialéctica materialista che queda mais lonxe que a constelación de Orión. Non che poñas medalas que non che corresponden e nos deixes que dar mal aos verdadeiros comunistas, di mais ben que eres...altermundista ou postmoderno ou cibdadanista que é o mesmo que non ser ren.

4 Comunista

E ti de que me coñeces "auténtico"? Non és mais que un troll. Se foses un verdadeiro comunista non precisarias "apelidos" entre parénteses. Excusatio non petita, accusatio manifesta. Os da UPyG roubades como españois. Pp-PsoE-BnUpG corruptos!