Os maiores de 45 anos, o sector de idade con máis ofertas de traballo no ano da covid
Con todo, o 85% das persoas desa franxa enquisadas consideran que a idade "segue sendo un factor discriminatorio", segundo apunta un informe de Adecco.
Por Europa Press / Redacción | SANTIAGO DE COMPOSTELA | 24/06/2021 | Actualizada ás 12:01
Un total de 16.400 postos de traballo xeráronse no tramo de idade de maiores de 45 anos fronte aos 39.500 que se destruíron entre os menores desa idade, segundo un estudo elaborado por Fundación Adecco.
O informe sinala que "os profesionais maiores de 45 anos son a forza laboral máis numerosa" en Galicia e "están a demostrar que a experiencia é un grao e que atributos como a madurez, a temperanza ou a estabilidade son a clave para superar esta crise". Con todo, o 85% dos maiores de 45 anos enquisados para este estudo consideran que a idade "segue sendo un factor discriminatario" para superar unha entrevista de traballo.
"A forza laboral sénior está a ser a chave da recuperación e esta crise debe constituír un punto de inflexión para erradicar a tradicional discriminación laboral á que están expostos", incidiu o director da Fundación Adecco, Francisco Mesonero.
