Evacuada unha persoa tras ser atropelada en Padrón

Unha persoa foi evacuada a un centro sanitario despois de sufrir un atropelo na mañá deste xoves, 24 de xuño, no concello coruñés de Padrón. Segundo informou o 112 Galicia, ás 9,30 horas un particular púxose en contacto co servizo de emerxencias para solicitar asistencia médica para un peón que acababa de ser atropelado na Avenida de Compostela.

Unha vez recollidos os datos, por parte do CIAE-112 avisouse aos profesionais de Urxencias Sanitarias de Galicia-061, á Policía Local e aos membros do GES de Padrón. Desde o lugar do sinistro, o GES da localidade confirmoulle aos operadores do 112 que a persoa ferida foi trasladada a un centro sanitario para poder ser valorada.

Ambulancia do 061 | Fonte: 061-GALICIA - Arquivo.