O prezo do gas segue disparándose cunha suba de case o 12% na última quincena
Custa 3,07€ máis que a quincena anterior, segundo o último boletín da asociación Gas Industrial.
Por Galicia Confidencial | Santiago de Compostela | 29/06/2021 | Actualizada ás 14:35
O último boletín de prezos de mercados de GasIndustrial, correspondente ao período do 12 ao 25 de xuño, destaca que o prezo do gas se dispara esta quincena, subindo un 11,8% a media dos prezos spot dos hubs europeos ata os 29,02€/MWh, 3,07€ máis que a quincena anterior.
O gran aumento da demanda de gas para a produción eléctrica, a necesidade de inxección en almacenamentos e os altos prezos do JKM asiático provocaron o aumento xeralizado do prezo en toda Europa. Ademais a escaseza de suministro tanto de gaseoducto como de GNL - debido a diversas interrupcións- axuda a este aumento dos prezos do gas.
O prezo medio de MIBGAS en maio foi de 24,70€/MWh, un 17,4% superior ao pasado abril e un 363,3% superior a maio do 2020. En abril, o aprovisionamento de GNL foi dun 60% do total, O Gas por canalización representou o 40%. O GN canalizado segue máis competitivo que o GNL. Respectivamente os prezos foron de 12,88€/MWh e de 15,19 €/MWh, segundo os datos proporcionados pola Axencia Tributaria.
