Galicia supera xa a metade da poboación vacinada contra Covid
Máis dun 91,8% dos maiores de 40 anos a vacinar na Comunidade galega conta con polo menos unha dose.
Por Europa Press / Redacción | Santiago de Compostela | 01/07/2021 | Actualizada ás 12:09
Máis da metade da poboación diana de Galicia a vacinar contra a Covid-19 conta coa pauta completa ao alcanzar 1.237.033 persoas co proceso finalizado, o 50,39 por cento, 24.405 máis que a xornada anterior.
Mentres, máis do 91,8 por cento dos habitantes maiores de 40 anos contan con polo menos unha dose desta vacina, que representan 1.579.435 persoas das 1.720.101 chamadas a vacinar a partir desa idade.
Segundo os datos actualizados na mañá deste xoves pola Consellería de Sanidade con rexistros ata o peche da xornada de vacinación do mércores, recollidos por Europa Press, administráronse 2.755.096 dose, 26.801 máis que a xornada pasada das 2.934.875 recibidas ata o momento --tras acumular 86.580 viarios máis--.
Diso dedúcese que a xornada de vacinación deste mércores na Comunidade galega centrouse en completar pautas, con 24.405 persoas máis co proceso finalizado, así como en avanzar en primeiras doses en persoas de 50 a 59 anos e de 40 a 49 anos.
GRUPOS DE IDADE
Por grupos de idade, recibiron polo menos unha dose ata o momento 131.129 persoas maiores de 85 anos (+10); 95.981 de 80 a 84 anos (+11); 134.070 de 75 a 79 anos (+20); 152.532 de 70 a 74 anos (+36); 158.542 de 65 a 69 anos (+88); 169.342 de 60 a 64 anos (+114); 183.378 de 55 a 59 anos (+1.068) e 190.286 de 50 a 54 anos (+824). Deste xeito, ata o momento administrouse polo menos unha picada a 1.215.260 persoas maiores de 50 anos en Galicia, que representan un 95,17% dos galegos a vacinar a partir desa idade.
Por iso, 1.644.007 persoas recibiron polo menos unha dose da vacina no conxunto de Galicia, que representan 2.776 persoas máis que a xornada anterior, un 66,97 por cento da poboación diana a vacinar na Comunidade galega --2.454.497 cidadáns segundo os datos actualizados polo Ministerio de Sanidade--.
