Comesaña lamenta a "baixa" participación dos mozos galegos nos cribados
Anuncia máis probas diagnósticas para este grupo de idade e pídelles que "acudan cando son citados".
- Os novos contaxios de Covid dispáranse e volven a niveis de hai un ano
- (Gráfico) Galicia multiplicou por nove a taxa de contaxios tras a retirada das máscaras en exteriores
Por Europa Press / Redacción | SANTIAGO DE COMPOSTELA | 07/07/2021 | Actualizada ás 12:47
A Consellería de Sanidade "intensificará" os cribados para detectar casos de Covid-19 ante o incremento de contaxios entre a poboación nova, de 18 a 35 anos de idade, polo que apela a que "acudan cando son chamados".
Así o anunciou o conselleiro de Sanidade, Julio García Comesaña, en rolda de prensa tras a reunión do Comité Clínico deste pasado martes, na que incidiu en que poden acudir, sen cita, a cribados convocados, así como ás farmacias onde facilitan test gratuítos de saliva. Comesaña lamentou a porcentaxe "baixa" de participación dos mozos nos cribados, polo que chama "incrementar a adherencia" nesta franxa de idade "máis vulnerable ao contaxio".
