A gardaría de Ourense na que faleceu un bebé por morte súbita lamenta o ocorrido e traslada condolencias
"O día de onte foi moi duro para todos, nunca ninguén está preparado para enfrontarse a un suceso tan tráxico", recolle no seu perfil da rede social de Instagram.
Por Europa Press / Redacción | OURENSE | 13/07/2021 | Actualizada ás 18:17
A escola infantil Arlequín de Ourense, onde este luns faleceu un bebé de ano e medio por morte súbita, trasladou o seu pesar polo ocorrido.
"O día de onte foi moi duro para todos, nunca ninguén está preparado para enfrontarse a un suceso tan tráxico. Queremos expresar a nosa máis profunda dor e as nosas condolencias", recolle no seu perfil da rede social de Instagram.
"Fixemos todo canto estivo na nosa man e seguirémolo facendo como o fixemos ata agora, protexendo e coidando ás vosas familias, que tamén forman parte da nosa. Estamos todos unidos na dor e na pena e queremos agradecer expresamente todo o apoio, a comprensión e o agarimo que nos brindastes", engade.
"Seguiremos adiante co noso corazón roto pero con forza por ela e por todos", concluíu.
