Por Europa Press / Redacción | SANTIAGO DE COMPOSTELA | 18/07/2021 | Actualizada ás 11:28
Os mergulladores da Garda Civil atoparon este domingo no emabalse de Castrelo de Miño o cadáver dun mozo que se buscaba tras perdelo de vista os seus amigos e parella ao se meter na auga de madrugada. Segundo informa o 112 Galicia, o corpo foi recuperado ás 8,30 horas deste domingo. A súa desaparición fora notificada sobre as 2,00 horas da mañá, momento en que a parella do mozo contactaba co servizo de emerxencias para pedir axuda.
Ademais dos medios sanitarios, formaron parte deste operativo, que coordinou a Garda Civil, os Bombeiros de Carballiño, os membros do GES de Ribadavia e os efectivos de Protección Civil da localidade. Un equipo do grupo de Intervención Psicolóxica en Catástrofes e Emerxencias (GIPCE) desprazouse ao lugar dos feitos para prestar axuda á parella e aos compañeiros que se atopaban co mozo no momento da desaparición.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.