Por Europa Press / Redacción | SANTIAGO DE COMPOSTELA | 28/07/2021 | Actualizada ás 12:25
A Consellería de Sanidade apela á poboación máis nova a "extremar a precaución", pide que acudan aos cribados para detectar casos de Covid en asintomáticos e faciliten todos contactos estreitos cando se contaxien co fin de frear as cadeas de transmisión.
Así o pediu este mércores o conselleiro de Sanidade, Julio García Comesaña, na rolda de prensa para informar as decisións da reunión do comité clínico deste pasado martes, na que comentou que o grupo de 12 a 29 anos concentra a maior parte de contaxios de Covid-19, superando á media española.
Por iso, incidiu en que a Xunta centrará en Galicia o seu "esforzo" na capacidade diagnóstica con máis cribados, en paralelo ao proceso de vacinación. A semana pasada foron citadas máis de 32.000 perspas para os cribados, que se centran entre os 12 e os 29 anos, cunha participación do 54% e cunha taxe de positividade dun 3,73%. Para esta semana están citadas máis de 33.000 persoas para cribados.
Comesaña tamén puxo o foco na necesidade de que os postivos sinalen todos os seus contactos estreitos. "Os positivos non sinalan a todos os seus contactos estreitos para salvalos dunha corentena. Non se salvan de nada. Arríscanse a acabar no hospital ou contaxias a outras persoas que están ao noso carón", recalcou o conselleiro de Sanidade. Tamén puxo de manifesto a gran interacción social que se está producindo na actualidade, xa os contactos estreitos das persoas que si que comunican poden chegar a 20 ou 30.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.