Por Galicia Confidencial | SANTIAGO DE COMPOSTELA | 31/07/2021 | Actualizada ás 10:00
A ministra de Igualdade, Irene Montero, vén de anunciar, entre outras medidas de prevención e loita contra a violencia de xénero, o establecemento dunha "rede de puntos violetas" no Estado; unha medida que dende a concellería de política social de Ribadumia puxeron en marcha na lexislatura pasada. Enrique Oubiña, o seu impulsor, asegura que "unha vez visto a formulación do programa posto en marcha polo seu Ministerio, incluído o argumentario no que se sostén, é evidente que o noso traballo chegou á capital do Estado e ao equipo da ministra”.
O certo é que no momento da aplicación desta rede de puntos seguros no concello a través do plan "Conta Comigo Ribadumia", a iniciativa "tivo unha repercusión moi importante", tanto polo "novidoso e pioneiro do planeamento como pola acollida" que tivo por parte da cidadanía, comercios, hostalaría e outras empresas que se sumaron a esta iniciativa, indican dende o Concello. Así, a maioría dos establecementos contan coa pegatina de punto seguro.
Dende Somos Ribadumia diríxense agora ao Ministerio e á propia ministra para "convidala a
coñecer de primeira man a experiencia de Ribadumia", dado que consideran que pode ser de "axuda" á hora de abordar na práctica o programa de goberno. Así mesmo, agardan que isto "sirva tamén para que o goberno local actual, que o primeiro que fixo ao subirse ao altar da maioría absoluta foi criticar o custe económico do Punto Morado, recapacite e recupere tanto este plan como outras liñas postas en marcha na anterior lexislatura", sinalan no comunicado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.