Por E.P. | SANTIAGO DE COMPOSTELA | 31/07/2021 | Actualizada ás 15:25
Dous mozos, veciños de Vilagarcía de Arousa e de 20 e 21 anos de idade, foron interceptados e detidos na peaxe da AP-9 de Pontevedra, pola que circulaban con seis quilos de marihuana.
Os feitos tiveron lugar esta semana no marco dunha operación de verificación de vehículos establecida na AP-9 e, tal e como sinalou a Garda Civil nun comunicado, a "actitude sospeitosa" dos dous ocupantes dun dos vehículos interceptados "propiciou" que os axentes inspeccionasen "minuciosamente" o turismo.
Así, os axentes atoparon no maleteiro dous sacos de plástico, que contiñan seis quilos de marihuana repartidos en seis envoltorios de menor tamaño. Dita tenencia pasa "considerablemente" a cantidade máxima considerada para consumo propio, polo que se procedeu a á detención do condutor do vehículo e do seu acompañante como presuntos autores dun delito contra a saúde pública por tráfico de drogas.
Os detidos, "con amplos antecedentes policiais relacionados coa tenencia ilegal de estupefacientes", foron postos a disposición do Xulgado de Instrución de garda de Cangas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.