Arrancan as charlas do Salón do Cómic 'Viñetas desde o Atlántico' da Coruña

Os autores de 'Subnormal', Miguel Porto e Fernando Llor, e o debuxante de 'Las meninas', Javier Olivares, abren este martes o calendario de charlas do Salón do Cómic 'Viñetas desde o Atlántico', segundo informa a organización.

A obra que asinan os galegos Llor (guión) e Porto (debuxo) aborda o acoso escolar. "Está baseada na historia real do xogador de baloncesto Iñaki Zubizarreta, quen a pesar de posuír un físico portentoso sufriu acoso escolar", explican os promotores do evento. Os orixinais desta obra colgan nas paredes da sala municipal de exposicións Palexco.

O outro protagonista das primeiras charlas da XXIV edición do Salón Internacional, Javier Olivares, deleitará as persoas afeccionadas cos pormenores do seu último traballo 'La Cólera' e tamén da premiada 'Las Meninas', Premio Nacional de Cómic 2015. Ambas as con guión de Santiago García.

A charla de Porto e Llor comezará ás 18,15 horas e a de Javier Oliveirais será a partir das 19,30 horas. Os encontros desenvolveranse no salón de actos do Quiosco Alfonso, sede central do festival coruñés, coas condicións de aforamento que permiten as medidas sanitarias.

A organización lembra tamén que os orixinais de 'Viñetas' ocupan as catro principais salas de exposicións municipais: o Quiosco Alfonso, Palexco, Palacio de María Pita e Salvador de Madariaga. Todas elas estarán abertas ao público ao longo desta semana entre as 12,00 e as 14,00 horas e, en sesión de tarde, entre as 18,00 e as 22,00 horas.

Figuras dos Simpson expostas no Salón do Cómic da Coruña. VIÑETAS DENDE O ATLÁNTICO | Fonte: Europa Press