Morre un operario en Vimianzo tras caerlle unha viga nun taller

Un operario que estaba traballando nun taller en Vimianzo faleceu este venres tras caerlle unha viga enriba.

O inmoble está situado na rúa do Vilar e o accidente rexistrouse sobre as 17,15 horas.

Ata o lugar desprazáronse efectivos do 061 que finalmente nada puideron facer por salvarlle a vida ao operario.

O 112 informou, á súa vez, á Garda Civil, aos Bombeiros de Cee e á Agrupación de Voluntarios de Protección Civil de Vimianzo.

Ambulancia do 061 | Fonte: 061-GALICIA - Arquivo.