Por E.P. | SANTIAGO DE COMPOSTELA | 03/09/2021 | Actualizada ás 17:15
O consorcio Team Resolute, no que participa Navantia xunto ás empresas de Reino Unido Harland & Wolff e BMT, é un dos catro que pasou á seguinte fase do concurso Fleet Solid Support (FSS) para deseñar e construír tres buques de aprovisionamento para a Royal Navy. O Ministerio de Defensa de Reino Unido lanzou a segunda fase do concurso, a Fase de Compra Competitiva (Competitive Procurement Phase, CPP).
Para iso, o Departamento de Equipamento e Apoio de Defensa asinará con cada un dos consorcios aspirantes un contrato de deseño, cada un deles por un importe inicial de ao redor de 5 millóns de libras esterlinas (5,8 millóns de euros). Os contratos de deseño anunciados polo Ministerio de Defensa de Reino Unido permitirán aos contendentes desenvolver as súas propostas para cumprir cos requisitos do programa, propostas que serán sometidas a avaliación e darán lugar á adxudicación do contrato.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.