O CSIC nomea delegado institucional en Galicia ao doutor en Bioloxía Javier Rei Campos
Por E.P. | SANTIAGO DE COMPOSTELA | 06/09/2021 | Actualizada ás 12:59
A presidenta do Consello Superior de Investigacións Científicas (CSIC), Rosa Menéndez López, nomeou delegado institucional en Galicia ao doutor en Bioloxía Javier Rei Campos este luns.
Deste xeito, este científico titular do CSIC na Misión Biolóxica de Galicia (MBG) releva ao profesor de investigación do mesmo instituto Antonio de Ron Pedreira, que desempeñaba o cargo desde marzo de 2019.
Javier Rei Campos (Pontevedra, 1958) é licenciado en Ciencias Biolóxicas pola Universidade de Santiago de Compostela (USC) e doutor en Bioloxía pola Universidade Autónoma de Madrid (UAM).
Desde 2014 está adscrito á Misión Biolóxica de Galicia, da que exerce como vicedirector. Así mesmo, ocupou o cargo de director da Fundación Xeral CSIC.
