Feijóo sobre o lume de Ribas de Sil: "Hai que levar as lapas ata o río para que así o lume morra alí"

Arremete contra os incendiarios e di que, agora, a época de lumes en Galicia trasládase a setembro e outrubo. O presidente galego recibiu o luns pola noite a chamada de Grande-Marlaska e agradeceulle a "coordinación" coa UME.

Por Europa Press / Redacción | PONTEVEDRA | 07/09/2021 | Actualizada ás 13:32

Comparte esta noticia

O presidente da Xunta, Alberto Núñez Feijóo, confía en que este mesmo martes, no caso de que o vento "non empeore", se poida "diminuír o impacto" do incendio de Ribas de Sil, que leva unhas 1.000 hectáreas arrasadas desde que se declarou na noite do domingo.

Preguntado sobre a evolución do lume, o maior rexistrado este ano en Galicia, nunha visita ao novo CEIP Plurilingüe Cruceiro de Sanxenxo, o mandatario autonómico confirmou que xa está "controlada a cabeza" deste incendio rexistrado nunha zona escarpada e dunha "accesibilidade moi complexa" e que xa se estendeu ao municipio de Quiroga.

Deste xeito, explicou que hai que levar as lapas "ata o río" para que así o lume "morra alí" e logo traballar "nas partes altas" do mesmo. Precisamente, no mediodía deste martes a conta de Twitter da Consellería do Medio Rural para informar os incendios asegurou que, "grazas ao esforzo e profesionalidade" dos efectivos, o lume "evoluciona de modo favorable".

Ademais, Feijóo desvelou que na noite do luns, sobre as 22,30 horas, recibiu unha chamada do ministro do Interior, Fernando Grande-Marlaska, a quen agradeceu "a coordinación" dos medios de extinción coa Unidade Militar de Emerxencias (UME) despregada na zona.

"PAUTA HABITUAL DOS INCENDIARIOS"

O presidente da Xunta tamén recalcou a intencionalidade deste gran incendio: "Todo acredita que a pasada noite do domingo, unha vez que os medios xa non poden voar, houbo un foco que posteriormente se ampliou con dous focos máis. E iso adoita ser a pauta habitual dos incendiarios". De feito, Feijóo volveu a pedir "colaboración cidadá para detectar calquera conduta sospeitosa" e "pola en coñecemento das forzas e corpos de seguridade".

E dirixiuse aos "criminais incendiarios" para advertir que non só se están xogando "penas privativas de liberdade" por provocar o incendio, senón que as súas condutas tamén poden "producir homicidios" nas parroquias afectadas.

"Eu pido un mínimo de moral e de ética ás xentes que cren que un lume non é máis que un problema forestal. Non, un lume é un atentado ambiental, pero tamén pode provocar a morte de persoas inocentes", agregou.

SETEMBRO E OUTUBRO, MESES "COMPLEXOS"

Así mesmo, o presidente galego recoñeceu que a tendencia de "os últimos anos" é a de que os incendios se desprazan desde os meses de xullo e agosto a setembro e outubro,

"Por tanto, non podemos en ningún caso cantar vitoria e estamos nun mes moi complexo, este setembro", reflexionou Feijóo, para seguidamente avisar de que outubro tamén pode complicarse "se non hai precipitacións".

Incendios dun lume no municipio de Quiroga (Margaride), na provincia de Lugo a 6 de setembro de 2021, en Galicia (España). Este novo incendio, o segundo nun día, avanza sen control e xa calcina unhas 80 hectáreas. Para el solicitouse o. Rosa Veiga - Europa Press
Incendios dun lume no municipio de Quiroga (Margaride), na provincia de Lugo a 6 de setembro de 2021, en Galicia (España). Este novo incendio, o segundo nun día, avanza sen control e xa calcina unhas 80 hectáreas. Para el solicitouse o. Rosa Veiga - Europa Press | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta