Cuarteis da Garda Civil de Ferrol e Ourense recibirán un millón de euros para obras de emerxencia
Igualmente, acorda a contratación da adquisición de chalecos antibala de altas prestacións para dotar ao persoal de unidades operativas da Garda Civil no país por máis dun millón.
Por E.P. | SANTIAGO DE COMPOSTELA | 07/09/2021 | Actualizada ás 18:44
O Consello de Ministros acordou a declaración de emerxencia de obras nos cuarteis da Garda Civil de Ferrol e Ourense, cun orzamento conxunto superior ao millón de euros.
En concreto, estas actuacións están destinadas ás cubertas dos cuarteis. O importe para o cuartel de Ourense será de 708.000 euros, mentres para o de Ferrol irán uns 410.000 euros.
Igualmente, acorda a contratación da adquisición de chalecos antibala de altas prestacións para dotar ao persoal de unidades operativas da Garda Civil no país por máis dun millón.
Por outra banda, o Goberno autorizou á Secretaría de Estado de Seguridade a contratación do servizo de apoio á seguridade exterior en centros penais dependentes do Ministerio do Interior, por un valor estimado de 67,4 millóns.
