Felloza gaña o "Premio de Narración Oral Cociña de Contos" de OQO

Tras un proceso de selección previa entre 30 candidaturas de España, Portugal e Polonia, resultou gañadora "A cociñeira do Rei", un conto da autoría da autora uruguaia afincada en Compostela Felloza.

Por GC Tendencias | Pontevedra | 29/01/2014 | Actualizada ás 18:08

Os narradores Roberto Mezquita, José Campanari, Miguel Horta e Isa Chao quedaron finalistas do certame, os catro coa mesma puntuación.

Actriz, dramaturga e fotógrafa, Soledad Felloza leva máis de 25 anos contando contos. Actualmente dirixe o Festival Internacional de Narración Oral "Atlántica", de Santiago de Compostela.

Como xurado do Premio, tomaron parte o narrador oral Antonio Fontinha, os contadores Tareixa Alonso e Xacobe Rodríguez (integrantes do grupo Pavís-Pavós), a responsable de animación á lectura da editorial organizadora (OQO de Pontevedra), Raquel Méndez, e os editores do Bichinho de Conto e Tako, Mafalda Milhoes e Tomas Klejna, respectivamente.