A Confederación de Empresarios quere promover a minaría en Galicia
Considera que se "debe aspirar a pór en valor os recursos mineiros, promovendo o seu aproveitamento e a xeración de valor engadido".
Por Europa Press / Redacción | Santiago de Compostela | 20/09/2021 | Actualizada ás 18:29
O presidente da Confederación de Empresarios de Galicia (CEG), Juan Vieites, cre que o país "debe aspirar a pór en valor os seus recursos mineiros, promovendo o seu aproveitamento e a xeración de valor engadido".
Así o sinalou durante a súa intervención este luns nas xornadas 'Minerais estratéxicos para a industria galega', organizadas pola Cámara Oficial Mineira de Galicia e Minaría Sustentable de Galicia coa colaboración da Xunta. A iniciativa contou coa participación do 'iTarg3t' e o 'EIT RawMaterials' da Unión Europea.
Entre outras cuestións, Vieites referiuse aos "incentivos económicos para os titulares de dereitos mineiros e medidas especiais para determinadas zonas ou concellos vinculados" á minaría.
Neste sentido, destacou que "a dispoñibilidade de materias primas con carácter estable e a prezos competitivos condicionarán a transformación industrial da Unión Europea e en especial a consecución da neutralidade climática".
