A Mesa denuncia agresións da Garda Civil durante unha concentración en defensa do topónimo da Toxa

Censura a deturpación do topónimo polo chamado Foro La Toja.

Por Europa Press / Redacción | Santiago de Compostela | 29/09/2021 | Actualizada ás 20:08

Comparte esta noticia

A concentración convocada pola Mesa no Grove para denunciar a deturpación do topónimo da Toxa saldouse con momentos de tensión nos que a Garda Civil chegou a empurrar a varios dos manifestantes para apartalos da estrada.

Protesta da Mesa na Toxa. A MESA
Protesta da Mesa na Toxa. A MESA | Fonte: Europa Press

En concreto, a protesta buscaba criticar o uso deste topónimo por parte do III Foro La Toja 2021, onde este mércores se deron cita o rei Felipe VI, a vicepresidenta primeira do Goberno, Nadia Calviño e o titular da Xunta, Alberto Núñez Feijóo, entre outros.

Un grupo de persoas convocadas pola asociación acudiu á ponte preto das 17,00 horas portando diversos carteis co lema 'Eu quero galego' e unha pancarta na que se lía 'A Toxa polo seu nome'.

Con todo, segundo o relato de participantes na protesta, a Garda Civil non lles permitía cruzar a ponte e producíronse incidentes ao tentar situarse no medio da vía, momento no que varios axentes empurraron e obrigaron os manifestantes a apartarse á beirarrúa. Entre eles atopábase o propio presidente da Mesa, Marcos Maceira, que acabou polo chan debido a un destes empurróns.

Maceira denunciou que os axentes mostraron "moita agresividade" cara a eles desde o primeiro momento e tampouco permitiron intervencións dos portavoces da asociación para dirixirse cara á xente. "Parécenos unha actitude absolutamente irresponsable e absolutamente desproporcionada", censurou.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 nostrus

Los de la Mesa solo son unos simples provocadores buscando camorra. Existe infinita mas documentacion de La Toja que de A Toxa, además que donde se celebra se llame A Toxa no implica que los organizantes del foro no puedan ponerle a su foro como les de la gana. Lo único que pueden conseguir los de la Mesa por la Imposicion Lingüistica es que el foro lo hagan en otro sitio y se siga llamando "Foro La Toja". Fascismos NO.