RAG e A Mesa exploran unha "política activa" para recuperar o galego

O presidente da Real Academia Galega, Henrique Monteagudo, mantivo este luns unha reunión co presidente da Mesa pola Normalización Lingüística, Marcos Maceira, no marco da rolda de contactos que a nova executiva da RAG está a manter con diferentes institucións e entidades.

No encontro deste luns participaron tamén a secretaria da Real Academia, Ana Boullón, e a secretaria xeral da Mesa, Celia Armas. As principais cuestións abordadas na reunión foron a situación actual da lingua galego e a negociación dun 'pacto pola lingua'. Ambas as partes coincidiron en sinalar a súa "preocupación" pola "grave situación do idioma" e avogaron por pór en práctica "unha política activa de recuperación do galego".

O presidente da RAG, Henrique Monteagudo, e a secretaria da institución, Ana Boullón, manteñen unha reunión co presidente da Mesa pola Normalización Lingüística, Marcos Maceira, e a secretaria xeral, Celia Armas | Fonte: REAL ACADEMIA GALEGA