Os nacementos descenden case un 4% en Galicia ata agosto
Rexístrase unha diminución do 6,52% (685 menos) respecto 2019 nas mesmas datas.
Por E.P. | SANTIAGO DE COMPOSTELA | 07/10/2021 | Actualizada ás 11:09
Galicia rexistra un total de 9.813 nacementos ata agosto, o que supón un 3,93% menos (402 menos) que nos oito primeiros meses de 2020, segundo os datos dun estudo experimental que publica este xoves o Instituto Nacional de Estatística (INE).
Con todo, este descenso supón paliar a caída do 5,49% que existía no acumulado ata xullo. Iso si, o retroceso do 3,93% de Galicia é superior á media española (-3,43%). Na comparativa con 2019, os 9.813 alumeamentos galegos tradúcense nunha diminución do 6,52% (685 menos) que hai dous anos polas mesmas datas.
Por provincias, nos oito primeiros meses do ano houbo 4.175 nacementos na Coruña (-4,6%). Séguelle Pontevedra, con 3.574 (-4,47%); Lugo, 1.099 (-4%); e Ourense, 966 (-1,44%).
