Volve o festival "Sons de Breogán" a Compostela cunha nova aposta polo panorama musical galego
A Sala Malatesta acollerá o día 15 deste mes os concertos de Zënzar, Cuarta Xusta e TIAM Gz.
Por Galicia Confidencial | Compostela | 13/10/2021 | Actualizada ás 20:00
A asociación "Sons de Breogán" vén de rescatar o seu segundo festival cancelado pola pandemia e faino con Zënzar, Cuarta Xusta e TIAM Gz. É dicir, cunha nova posta polo panorama musical galego, xa sexa con grupos afianzados como cos novos artistas. O evento terá lugar o día 15 de outubro na Sala Malatesta, en Santiago de Compostela, ás 21:30. As entradas custan 14 euros e pódense adquirir na rede ou en billeteira.
A asociación "Sons de Breogán" destaca do seu da súa organización o compromiso cos valores baseados no feminismo, o internacionalismo, a loita LGTBI, o antifascismo e loita contra un "capitalismo depredador". Así, defenden reivindicar que "é posible unha cultura segura" e apostar "pola nosa cultura musical e polos nosos artistas".
