Extinguido un incendio no parque do Xurés que queimou 0,4 hectáreas

O parque natural do Xurés rexistrou un incendio forestal na tarde deste martes que foi extinguido tras afectar a 0,4 hectáreas, segundo informou a Consellería do Medio Rural.

O lume afectou o municipio ourensán de Calvos de Randín, na propia parroquia de Randín, e orixinouse en dous focos sobre as 17,25 horas, quedando extinguido unha hora despois. As últimas estimacións apuntan a unha afectación de 0,04 hectáreas de monte raso do Parque Natural Baixa Limia-Serra do Xurés.

Trátase do terceiro lume rexistrado no citado municipio este mesmo mes, tras outros dous incendios que se deron a coñecer os días 7 e 22 de outubro.

Incedio forestal no Parque Natural do Xurés | Fonte: BRIF Laza