O Concello da Coruña cederá terreos en Eirís para un centro de atención a drogodependentes

O concelleiro de Economía, Facenda e Réxime Interior do Concello da Coruña, José Manuel Lage Tuñas, e o presidente da Fundación Monte do Gozo, Ramón Gómez Crespo, asinaron este venres o convenio para a cesión demanial e gratuíta dunha parcela municipal de 5.538 metros cadrados situada en Eirís.

A entidade sen ánimo de lucro construirá alí un centro de día e de longa estancia para atender a persoas drogodependentes, centro que contará con 30 prazas de residencia e 60 máis de carácter ambulatorio.

Ao acto asistiron tamén a concelleira de Igualdade, Benestar Social e Participación, Yoya Neira, e a directora xeral técnica da fundación, Ofelia Debén.

Os concelleiros José Manuel Lage e Yoya Neira asisten á firma de cesión dunha parcela municipal. ANDY PEREZ | Fonte: Europa Press