Os aeroportos galegos triplicaron pasaxeiros en outubro respecto ao ano pasado
Sumaron un total de 374.656 viaxeiros.
Por E.P. | Santiago de Compostela | 12/11/2021 | Actualizada ás 19:15
Os tres aeroportos galegos rexistraron un total de 374.656 pasaxeiros en outubro, o que supón tres veces máis que os 126.929 do mesmo mes de outubro, segundo datos de Aena.
A terminal de Santiago é a que rexistra o maior incremento interanual, un 220% máis, ata os 235.207 viaxeiros. Tamén se incrementan en Vigo (+181%), con 64.914 pasaxeiros; e A Coruña (+145,7%), 74.535 viaxeiros.
No acumulado do ano, entre xaneiro e outubro, Santiago contou con 1.297.782 viaxeiros (+53,2%). A Coruña suma 475.338 pasaxeiros (+21,8%) e Vigo, 435.244 (+63%).
Iso si, na comparativa de datos con 2019, último ano antes da pandemia, a caída de pasaxeiros é considerable nos tres aeroportos: A Coruña (-58,4%), Vigo (-50,2%) e Santiago (-48%).
