A Deputación de Pontevedra iluminarase de vermello polo Día Nacional das Enfermidades Neuromusculares
Celebrase o día 15 de novembro.
Por Europa Press / Redacción | SANTIAGO DE COMPOSTELA | 14/11/2021 | Actualizada ás 20:35
O Pazo provincial da Deputación de Pontevedra iluminarase de vermello entre as 19,00 horas deste luns e as 20,00 horas do martes para conmemorar o Día Nacional das Enfermidades Neuromusculares, que se celebra o 15 de novembro.
A través desta iniciativa, explican nun comunicado, "preténdese dar visibilidade a este conxunto de enfermidades", máis de 150, cuxa principal característica é a perda da forza muscular.
As enfermidades neuromusculares son, maioritariamente, de natureza progresiva e de orixe xenética. Son enfermidades crónicas, moitas delas dexenerativas, que xeran diferentes graos de discapacidade e perda de autonomía persoal e cargas psicosociais. O gran reto que presentan é a escaseza de tratamentos, xa que moitos deles son paliativos e non curativos.
En España existen máis de 60.000 afectados por ENM, englobadas dentro das denominadas enfermidades raras.
