Compromiso da Xunta para investir o 80% dos fondos europeos para saneamento nos prazos establecidos

A Xunta de Galicia garantiu a execución nos prazos establecidos de case o 80% dos fondos Feder que ten consignados para a execución de obras de saneamento nas rías galegas, segundo informa. Augas de Galicia ten consignados 87,8 millóns de fondos Feder do actual programa operativo, 2014-2020 para obras de saneamento "e non solicitou ningunha reprogramación destes fondos", indica.

Deles, explica que "cofinancian obras de saneamento das rías tan importantes como as que está actualmente executando a Xunta en Rianxo, en Pontedeume, en Viveiro e, especialmente, na ría de Pontevedra, con case 30 millóns en execución actualmente".

Tamén foron cofinanciados con fondos Feder os traballos de saneamento da Malata na ría de Ferrol ou actuacións na ría do Burgo e no concello de Boiro. "Do mesmo xeito cofinanciaranse as actuacións licitadas de saneamento de Celeiro e as que licitarán nas próximas semanas no concello de Foz", cita, entre outros exemplos.

Faino despois de que o BNG acusase á Xunta de pretender "reprogramar" os 115 millóns que, segundo a formación frenstista, a Administración autonómica ten sen executar do Fondo Europeo de Desenvolvemento Rexional para o período 2014-20 en materia de actuacións para o saneamento e depuración de augas.

Nunha rolda de prensa celebrada este venres no Parlamento galego, os deputados Noa Presas e Luís Bará, acompañados pola portavoz do BNG en Europa, Ana Miranda, advertiron do "risco" que leva a "baixa execución" dos fondos europeos da Xunta, especialmente en materia de saneamento de augas, xa que este ámbito "deixará de ser prioritario" para a Unión Europea na configuración do Feder para o próximo período.

Feijóo, na rolda de prensa posterior ao Consello da Xunta.. DAVID CABEZÓN @ XUNTA DE GALICIA